影片
更多
2019-02-09
195 浏览
大商场太多一式一样嘅食肆，谂食咩其实真系唔容易...明明从日本返黎无耐，老公话想回味一下日本拉面，难得有谂法，就去食拉面啦。(某程度上，我觉得系...老公见店员妹妹有礼地介绍，所以入咗去)店员妹妹介绍咗期间限定拉面-天极鱼干酱油拉面，仲有加配优惠既小食同饮品...我老公就话好好好，真系当我透明，不过真系要赞下妹妹，正如我以前都提过，好嘅服务系会令食物好食啲。呢样店员妹妹系做得好好的，我系老细的话一定比间舖佢打骰。我口痕再点多三款小食试下...食物:十人十色和风沙律，个名好似好有特色咁，无聊嘅我地真系走去数下系咪真系有十款配料，又真系有齐十种配料: 鸡肉、鹰咀豆、蕃茄、红萝卜、青瓜、粟米、红腰豆、沙律苗、薯仔、毛豆!呢十种配料加埋醋配搭芝士粒，食落好开胃，有粉有爽有咬口又有水份，包罗万有，好丰富呀~一个女仔食的话可能会饱，老公食完话试下照抄当午餐嚟减肥，即管听住先。章鱼烧上枱时热辣辣，唔似街边一早烧好用个盘热住，食得出系即整，所以表皮脆但蛋酱系好烟韧，不过粒章鱼就细到食咗都唔知，有啲可惜。玉子鳗鱼天妇罗，佢炸得唔油淋淋已经好感动，鳗鱼又算大大条，夹住厚烧蛋，咬落啖啖肉，又唔会太腻，加埋用
谂食咩其实真系唔容易...
明明从日本返黎无耐，
老公话想回味一下日本拉面，
难得有谂法，就去食拉面啦。
(某程度上，我觉得系...
老公见店员妹妹有礼地介绍，所以入咗去)
店员妹妹介绍咗期间限定拉面-
天极鱼干酱油拉面，
仲有加配优惠既小食同饮品...
我老公就话好好好，真系当我透明，
不过真系要赞下妹妹，
正如我以前都提过，
好嘅服务系会令食物好食啲。
呢样店员妹妹系做得好好的，
我系老细的话一定比间舖佢打骰。
我口痕再点多三款小食试下...
食物:
十人十色和风沙律，
个名好似好有特色咁，
无聊嘅我地真系走去数下系咪真系有十款配料，
又真系有齐十种配料:
鸡肉、鹰咀豆、蕃茄、红萝卜、青瓜、粟米、红腰豆、沙律苗、薯仔、毛豆!
十人十色和风沙律
8 浏览
0 赞好
0 留言
呢十种配料加埋醋配搭芝士粒，
食落好开胃，有粉有爽有咬口又有水份，
包罗万有，好丰富呀~
一个女仔食的话可能会饱，
老公食完话试下照抄当午餐嚟减肥，
即管听住先。
章鱼烧上枱时热辣辣，
唔似街边一早烧好用个盘热住，
食得出系即整，
所以表皮脆但蛋酱系好烟韧，
不过粒章鱼就细到食咗都唔知，有啲可惜。
玉子鳗鱼天妇罗，
佢炸得唔油淋淋已经好感动，
鳗鱼又算大大条，夹住厚烧蛋，
咬落啖啖肉，又唔会太腻，
加埋用紫菜包住佢地，食到淡淡紫菜焦香~
呢个配搭未试过，又估唔到夹得几好，
份量算多，值得一试。
鱼干酱油拉面，
汤底唔咸几好入口，
鸡叉烧有阵烧过嘅香味，嫩滑，唔错。
黑武骨豚肉拉面，
佢黑得嚟唔算好大黑蒜味，
感觉上略为油腻，
如果食惯日本嘅高浓度拉面应该会几开心。
两个拉面硬度适中，
份量足够，都挂到汤。
流心蛋一流，无得弹，
特别鱼干酱油拉面有完整一只蛋呢!!
豚肉拉面虽然只得半只蛋，但豚肉份量多，补足返~
荞麦奶香特饮
11 浏览
1 赞好
0 留言
最后我地叫咗两杯餐饮，
白桃特饮都系大路嘢，
甜甜地嘅果汁。
反而荞麦奶香特饮真系值得一试，
奶香配合有饭焦味嘅荞麦，
真系好爽，一定要试。
环境:
店不算很大，但都10多张四人枱，
有卡位有背靠椅，宽敞舒适。
服务:
店员妹妹非常亲切有礼，积极介绍食品，
服务亦很殷勤细心，预先准备好小碗，
下单上菜快捷到位，
能媲美日本级服务态度~
张贴
