影片
食家推介
无错，又系佢 ，apm 𠮶间执咗 N 年变咗神山。本来唔知两者关系，但近来神山啲餐具紧贴潮流做咗「植入式广告」，惊现面屋武藏，先知原来系兄弟。本来想试沾面同神山比较一下，但配嘅系日式叉烧 (唔系咁易整得好食，一系本身块肉好干少少油花都冇，一系就烤过龙变脆肉干)，结果点咗黑武骨豚角煮拉面。豚角煮好大块，第一眼感觉当然比神山嘅抵食，不过做法始终唔同，武藏少咗神山𠮶种炭烧甘香。汤汁偏咸，较适合重口味人士。间中食尚可，但未至于想一食再食。
继续阅读
<面屋武藏>连平时吾好食面嘅我都觉得哩度嘅拉面好好味😋 -汤底主打三种：白武骨 - 极浓豚骨汤赤武骨 - 豚骨汤再加秘制辣油黑武骨 - 豚骨汤再加黑蒜油 -今次我叫左豚角煮拉面配赤武骨汤底（Hkd79) 。汤底真系不得了，香浓惹味有小小辣。蛋仲系流心嘅。而拉面就属于小小粗身同硬身，个人觉得恰到好处👍- 另外，值得一赞系服务。 Serve我嘅侍应好有礼貌又细心😊 -其实除左拉面，佢地都有配饭嘅定食比客人选择，就算吾钟意食面都可以去试下。
继续阅读
今日系东港城个面放工，同同事行过见到有面屋武藏打紧蛇饼，望到有个期间限定拉面好似又吸引，就拣左呢度做著落。除左点左面外，我地仲叫左几款小食同野饮。率先达阵嘅系前菜—十人十色和风手作田园沙律。沙律用料种类几多，有粟米、紫椰菜、红椒、青瓜、豆类等，配埋cream cheese嘅淡香同沙律汁嘅酸甜，做到清新开胃嘅效果。之后到武藏章鱼烧，上菜个阵成个面都系木鱼丝，好有气势。章鱼烧入面椰菜同章鱼粒好多好饱满，加上厚度适中嘅外皮、木鱼丝、沙律酱同日式烧烤汁，口感丰富之余味道层次分明，成个味调和得好夹，唔错！玉子鳗鱼矶边扬都几特别，系将鳗鱼压系玉子上面，再用紫菜包住拎去炸，整出黎嘅天妇罗。口感外脆内软，蛋同馒鱼都几香，同天妇罗汁都几夹，都叫几好食。然后主角终于登场，天极鱼干酱油鸡叉烧拉面 （每日50食限定），个名同佢餐牌个漫画人物一样咁霸气，咁个味道又有冇咁霸气呢？食拉面第一件事，饮汤底。唔，鱼干熬成嘅味道十分浓烈，加上酱油咸咸地，风味十足，充斥住成个口腔，果然几霸道。面身特登叫佢加硬少少，几弹牙同有嚼头，个种咀嚼感好满足。鸡叉烧系卷成一筒再切个种，叉烧形状但系食落系鸡嘅味道，相当有创意。半熟蛋蛋白熟蛋黄流心啱啱好，腌得都几入味，香滑软淑。仲有爽脆嘅荀干，成个面口感丰富，味道很唔错，值得一试。我再叫左杯白桃玫瑰特饮解渴。外表精致，桃味几浓。最后小结一下，呢个价钱食到呢个质素嘅拉面，CP值都算高。全程侍应都好有礼貌同有耐性讲解餐牌，上菜又快，服务黎讲都唔错。呢间有下次！
继续阅读
大商场太多一式一样嘅食肆，谂食咩其实真系唔容易...明明从日本返黎无耐，老公话想回味一下日本拉面，难得有谂法，就去食拉面啦。(某程度上，我觉得系...老公见店员妹妹有礼地介绍，所以入咗去)店员妹妹介绍咗期间限定拉面-天极鱼干酱油拉面，仲有加配优惠既小食同饮品...我老公就话好好好，真系当我透明，不过真系要赞下妹妹，正如我以前都提过，好嘅服务系会令食物好食啲。呢样店员妹妹系做得好好的，我系老细的话一定比间舖佢打骰。我口痕再点多三款小食试下...食物:十人十色和风沙律，个名好似好有特色咁，无聊嘅我地真系走去数下系咪真系有十款配料，又真系有齐十种配料: 鸡肉、鹰咀豆、蕃茄、红萝卜、青瓜、粟米、红腰豆、沙律苗、薯仔、毛豆!呢十种配料加埋醋配搭芝士粒，食落好开胃，有粉有爽有咬口又有水份，包罗万有，好丰富呀~一个女仔食的话可能会饱，老公食完话试下照抄当午餐嚟减肥，即管听住先。章鱼烧上枱时热辣辣，唔似街边一早烧好用个盘热住，食得出系即整，所以表皮脆但蛋酱系好烟韧，不过粒章鱼就细到食咗都唔知，有啲可惜。玉子鳗鱼天妇罗，佢炸得唔油淋淋已经好感动，鳗鱼又算大大条，夹住厚烧蛋，咬落啖啖肉，又唔会太腻，加埋用紫菜包住佢地，食到淡淡紫菜焦香~呢个配搭未试过，又估唔到夹得几好，份量算多，值得一试。鱼干酱油拉面，汤底唔咸几好入口，鸡叉烧有阵烧过嘅香味，嫩滑，唔错。黑武骨豚肉拉面，佢黑得嚟唔算好大黑蒜味，感觉上略为油腻，如果食惯日本嘅高浓度拉面应该会几开心。两个拉面硬度适中，份量足够，都挂到汤。流心蛋一流，无得弹，特别鱼干酱油拉面有完整一只蛋呢!!豚肉拉面虽然只得半只蛋，但豚肉份量多，补足返~最后我地叫咗两杯餐饮，白桃特饮都系大路嘢，甜甜地嘅果汁。反而荞麦奶香特饮真系值得一试，奶香配合有饭焦味嘅荞麦，真系好爽，一定要试。环境:店不算很大，但都10多张四人枱，有卡位有背靠椅，宽敞舒适。服务:店员妹妹非常亲切有礼，积极介绍食品，服务亦很殷勤细心，预先准备好小碗，下单上菜快捷到位，能媲美日本级服务态度~
继续阅读
好耐面无去过将军澳果头，原来唔经唔觉已经变左咁多，度度都有好多餐厅，心大心细唔知食咩好，见到有间拉面店都几多人入去食，我呢啲吃货之人都心丝丝想入去食下睇下好唔好味先～ 岩哂我另一位朋友啦，佢咁钟意食拉面黎到呢到当然要试试佢呢度嘅主打-拉面，我就叫左黑蒜油豚肉片拉面 ，因为我系一个见到蒜就心心眼嘅人，有黑蒜口味我又点可以错过㖞，我地呢两个好奇的大朋友之后就叫左几款新推出嘅前菜同小食再share一齐食，咁样就非常丰富十人十式沙律（新推出），同我地平时食嘅沙律好唔一样，入面除左有沙律必有嘅粟米同青瓜之外，仲有多款营养蔬果：蕃茄、紫椰菜、甜椒等等，仲有啲豆类同鸡肉，用料丰富而且营养价值高，上面仲加上芝士作点缀添，食落去会更加香口。黑蒜油豚肉片拉面里面有半熟多、葱丝同紫菜，配料都几丰富汤底中有好香浓嘅黑蒜味面质弹牙爽口，挂汤能力都几好。半熟蛋好香滑，整到恰到好处，为呢碗拉面加好多分。玉子鳗鱼矶边扬用紫菜包住玉子同鳗鱼制成天妇罗，炸浆薄薄地，亦可keep到香脆，食之前点上天妇罗汁呢个特别嘅配搭原来都几好味，玉子同鳗鱼比例一半一半，非常丰富。朋友点左天极酱油鱼干拉面，可以加配优惠加$12有武蔵章鱼烧同$15荞麦奶香特饮，章鱼烧入面包左满满嘅椰菜同八爪鱼粒，上面加左海量木鱼丝，食落去口感更加丰富仲有啖啖木鱼丝香味，一啖食大粒章鱼烧，都几满足。荞麦奶香特饮上面有脆粒粒，饮落口有阵奶香味，甜甜地，几好饮又解渴，冬天饮冻饮都几大快人心。侍应服务都好有礼貌，下次都会再黎呢间餐厅食野
继续阅读