影片
更多
2016-02-12
837 浏览
年廿九，一家人已經團年，但都出街食飯，避過中菜館，又特別早啲1830去到餐廳， 呢間人龍店都唔使等，裝修似日式西餐廳，淺色傢具， 特在用好多和式摺紙裝飾牆身！加開放式廚房，6個人入內，在四人卡位旁加張摺枱變成6人枱，好肉酸！因為有3大3小，所以叫個二人餐加小食！芝味二人前套餐（$163）加咗$10轉芝士湯底！ 迷你蘋果沙律：好家庭式嘅水果沙律，夠凍無出水！水果爽口！沙律醬酸酸地！ 幸之芝士鍋（牛肉/芝麻醬）賣相幾好，色彩繽紛，加個有配埋爐，夠熱！蔬菜爽口，芝士丸加芝士狗彈牙，拉麵加芝士醬好濃味！牛肉半肥瘦比較硬，牛味唔濃，點芝麻醬都好味！ 長崎Champon：拉麵粗身有咬口，上面嘅蔬菜以椰菜為主，比較老兼有澀味，蝦肉爽口但無蝦味，湯底濃味有少許漿口！唔錯！ 炸魷魚鬚：賣相較黑，炸得夠脆，魷魚鬚本身唔硬，易食！點埋酸酸沙律醬解膩！薑味汽水：夠凍正常 自家製餃子（$28）賣相較黑唔吸引，幸好皮煙韌易分開！餡料菜多肉少幾清爽！餃子汁有啲臭味！ 鰻魚炒飯（$42）第一反應係份量好少，鰻魚粒又少，好黑嘅醬油太太太甜！無其他味道！ 炸芝士年榚（$30）金黃色好靚，夠熱，外脆內軟，年榚煙韌，
呢間人龍店都唔使等，裝修似日式西餐廳，淺色傢具，
特在用好多和式摺紙裝飾牆身！加開放式廚房，6個人入內，在四人卡位旁加張摺枱變成6人枱，好肉酸！因為有3大3小，所以叫個二人餐加小食！芝味二人前套餐（$163）加咗$10轉芝士湯底！
迷你蘋果沙律：好家庭式嘅水果沙律，夠凍無出水！水果爽口！沙律醬酸酸地！
幸之芝士鍋（牛肉/芝麻醬）賣相幾好，色彩繽紛，加個有配埋爐，夠熱！蔬菜爽口，芝士丸加芝士狗彈牙，拉麵加芝士醬好濃味！牛肉半肥瘦比較硬，牛味唔濃，點芝麻醬都好味！
長崎Champon：拉麵粗身有咬口，上面嘅蔬菜以椰菜為主，比較老兼有澀味，蝦肉爽口但無蝦味，湯底濃味有少許漿口！唔錯！
炸魷魚鬚：賣相較黑，炸得夠脆，魷魚鬚本身唔硬，易食！點埋酸酸沙律醬解膩！薑味汽水：夠凍正常
自家製餃子（$28）賣相較黑唔吸引，幸好皮煙韌易分開！餡料菜多肉少幾清爽！餃子汁有啲臭味！
鰻魚炒飯（$42）第一反應係份量好少，鰻魚粒又少，好黑嘅醬油太太太甜！無其他味道！
炸芝士年榚（$30）金黃色好靚，夠熱，外脆內軟，年榚煙韌，中央半溶芝士幾香！
炸雞5件配蜜糖芥末醬（$35）炸雞香口，金黃色，雞肉有肉汁兼嫩口，蜜糖芥末好香！吊出雞肉香味！食物唔錯，店員勤快！上菜收碟好爽手！到尾聲更加收碟收得勤，因為門口已經有客人等位！
唔使迫又順心嘅一餐
张贴
