味千拉麵 (已結業)

好耐無食過，因為有一排真係差到暈，特別香港開咗好多間拉麵店更加唔明點解味千仲生存到。幾年無食過，不過信德中心根本無野好食，又人山人海，難得見到有間唔洗排隊，唯有幫襯。食物：味道正常，同自己係超市買番嚟煮一樣，無乜特別差亦唔會特別好。服務：普通，信德人來人往，員工做到傻傻地，態度唔會好得去邊，無對你呼呼喝喝都算唔錯。價錢：幾抵食，依家百物騰貴，味千都唔算加得勁，咁耐無幫襯好似都係差唔多價錢，幾抵。舒適：爛商場唔好要求咁高，食完好走啦，不過最煩係好多野飛嚟飛去成日想衝落你碗野到咁，成碗麵就有4隻野係附近，好想問侍應借支電蚊拍用，不過見佢哋太忙都係算，成完就走。總括：食物以呢個價錢嚟講都可以，可以再幫襯不過一定唔會係呢間分店，衛生問題。