我武者羅 (已結業)

※本文以用餐當日的環境、服務和食物質素為準，口味亦因人而異，文章只作參考之用。-來自東京涉谷人氣拉麵店「我武者羅」座落新城市廣場，據說店家主打生薑醬油拉麵！不過小妹可是為左佢地開店限定既「真鯛雞白湯拉麵」而來！對於鍾意食雞白湯底既我來說，搭配鯛白湯底更加吸引！餐廳裝潢以木系作主調，環境闊落比坊間拉麵店坐得舒服；仲有佢地張燙銀紙巾，真係好有型！餐牌部分 （真鯛雞白湯屬期間限定，好像已結束了），佢地既拉麵無得自選麵質軟硬和走/要的配料。荔枝乳酸梳打 $35特級真鯛雞白湯拉麵 $125真係幾鍾意佢地既真鯛雞白湯，用上鯛白湯與雞白湯的配搭，就算只食拉麵都滲出陣陣魚的鮮味，可見其掛湯力不錯；另外用上幼身拉麵，質地恰到好處，唔會偏軟或硬，湯底飲落會帶點黏黏的質感，充滿骨膠原，鮮味十足。仲有兩片食落頗嫩滑的慢煮雞肉和一片薄叉燒，如果供應期可以延長就好了。濃厚咖哩味增沾麵 $115咖哩人叫既沾麵，面頭有一舊蕃茄茸，仲有兩件腩肉，建議與麵拌均後再蘸上沾麵汁呢😆 咖哩人話沾麵汁咖哩同味增既味道都食得出，咖哩味唔係日式偏甜個種，係帶有陣陣香料味，仲有蕃茄既酸酸甜甜，甚為惹味！旨辛酸燒餃子 $45佢地既餃子都