拉麵來 (已結業)

自從朋友介紹大坑拉麵店 - 拉麵來之後，就愛上左呢間餐廳既拉麵。店內擺放左好多古舊既玩具，仿佛令人穿越時空返到去以前。今日點左碗白松露豚骨拉麵 (木)，自由選擇度高，你可以按照自己既喜好去揀唔同既麵質、湯底要幾濃、使唔使走蔥等等，總知就俾你高度既選擇權，但係同時又唔會破壞左碗麵。今日既拉麵來仍然保持住水準，濃濃既湯底，每一啖麵再配少少既白松露，叉燒既脂肪分佈平均，個人感覺唔會太肥，肉質亦都岩岩好，咬落去唔會太痴牙。唔需要再追加配料，但係已經夠飽。一碗完美既拉麵，為工作後疲倦既身軀差差電。另外，如果食得辣既，不妨試下佢個醃漬雪菜 (座位前透明玻璃樽，有時如果座位前無，可以問員工)，呢個醃雪菜超勁辣，但係辣得黎又好爽口刺激，簡直係對味覺既挑戰！有興趣既朋友可以試下！