影片
更多
2021-08-31
31 浏览
之前嚟過一次最印象深刻係甜品好好食，今次再嚟到食主食都好驚艷到我。最近皮膚出事所以唔食咁多海鮮，主食點咗菠菜芝士意大利雲吞同埋Margherita pizza。Margherita pizza係素食之選，芝士量幾多，拉芝無難度，蕃茄味都足。而10吋薄批底亦唔會膩同太飽滯，最欣賞佢嘅批邊酥脆到好似餅乾咁。菠菜芝士意大利雲吞內裡飽滿，芝士同菠菜味幾平衡，平時唔食菠菜嘅友人都讚不絕口。甜品環節當然要點啲吸睛嘅item，海鹽法式吐司賣相100分，海鹽cream帶咸味平衡了蜜糖嘅甜味。吐司帶點fluffy中蛋香滿滿，外層焦脆更係亮點。脆皮榛子朱古力球外型甚似金莎嘅巨大化，外層脆皮唔會太甜卻有濃濃朱古力香，中間仲有hazelnut嘅醬點綴，嗜甜控一定好愛。相較之下飲品都唔會比下去。薑味梳打配雜果冰好夢幻，唔同顏色嘅水果浸於梳打中，待冰溶解後食落仲幾甜，薑味梳打飲落亦好清爽，適合夏日炎炎呷兩口。烏雲棉花糖配焙茶拿鐵聞名不如見面，大大棉花糖置中放於latte上面，熱氣讓其慢慢融化，畫面好美！焙茶拿鐵顏色咁深就知落足料，焙茶味好出加埋棉花糖融化後甜度適中。佢地嘅沙律都好開胃，當晚嘅粟米忌廉湯更係足料，睇
最近皮膚出事所以唔食咁多海鮮，主食點咗菠菜芝士意大利雲吞同埋Margherita pizza。
Margherita pizza係素食之選，芝士量幾多，拉芝無難度，蕃茄味都足。
而10吋薄批底亦唔會膩同太飽滯，最欣賞佢嘅批邊酥脆到好似餅乾咁。
菠菜芝士意大利雲吞內裡飽滿，芝士同菠菜味幾平衡，平時唔食菠菜嘅友人都讚不絕口。甜品環節當然要點啲吸睛嘅item，海鹽法式吐司賣相100分，海鹽cream帶咸味平衡了蜜糖嘅甜味。
吐司帶點fluffy中蛋香滿滿，外層焦脆更係亮點。
脆皮榛子朱古力球外型甚似金莎嘅巨大化，外層脆皮唔會太甜卻有濃濃朱古力香，中間仲有hazelnut嘅醬點綴，嗜甜控一定好愛。相較之下飲品都唔會比下去。
薑味梳打配雜果冰好夢幻，唔同顏色嘅水果浸於梳打中，待冰溶解後食落仲幾甜，薑味梳打飲落亦好清爽，適合夏日炎炎呷兩口。
烏雲棉花糖配焙茶拿鐵聞名不如見面，大大棉花糖置中放於latte上面，熱氣讓其慢慢融化，畫面好美！焙茶拿鐵顏色咁深就知落足料，焙茶味好出加埋棉花糖融化後甜度適中。
佢地嘅沙律都好開胃，當晚嘅粟米忌廉湯更係足料，睇得到海量粟米粒係湯面浮游。
整體十分值得去食，價錢合理亦製作用心，值得更多人品嘗及欣賞佢地嘅食物。
张贴
