影片
更多
2018-07-01
623 浏览
又到暑假，小學雞叫我帶佢周圍去玩去食。 嚟到旺角創興廣場，全幢都好多食肆。佢心思思想食燒肉，就揀左1樓嘅韓燒店，價錢都幾相宜，平日最貴的時段成人都係$198(小童$128)，假日只係$208(小童$138)。地方好大，夠晒闊落，幾乾淨吓。有梳化位外，仲有啲油桶製成嘅凳，頗有韓風感覺。出面每樣嘢食都擺放整齊，有壽司、沙律。有冷盤，有海鮮。三文魚刺身係每次拎小批出嚟，再不斷REFILL，保持新鮮。當中我覺得凍蝦最好食，望落都知新鮮，爽口彈牙。小食、炸物亦有唔少。肉類同蔬菜都有名牌標示名稱。竟然有蝦燒，帶少少藍色，又大頭，好似羅氏蝦。每隻都剪晒蝦鬚，抵讚。仲有蝦籽，真係好少見！燒烤完後，出面仲有小朋友至愛嘅朱古力噴泉、棉花糖機、軟雪糕機。我至愛嘅甜品，最好食係椰汁西米糕，好香椰汁味，又唔會太甜。雪糕雪條都有。小學雞勁開心，可惜三個人燒都只係得九十分鐘，有啲趕急。但最值得讚係：抽風好好，食完啲衫同頭髮唔好好大陣味！
地方好大，夠晒闊落，幾乾淨吓。有梳化位外，仲有啲油桶製成嘅凳，頗有韓風感覺。
出面每樣嘢食都擺放整齊，有壽司、沙律。
有冷盤，有海鮮。三文魚刺身係每次拎小批出嚟，再不斷REFILL，保持新鮮。當中我覺得凍蝦最好食，望落都知新鮮，爽口彈牙。
小食、炸物亦有唔少。
肉類同蔬菜都有名牌標示名稱。
竟然有蝦燒，帶少少藍色，又大頭，好似羅氏蝦。每隻都剪晒蝦鬚，抵讚。仲有蝦籽，真係好少見！
燒烤完後，出面仲有小朋友至愛嘅朱古力噴泉、棉花糖機、軟雪糕機。
我至愛嘅甜品，最好食係椰汁西米糕，好香椰汁味，又唔會太甜。
雪糕雪條都有。
小學雞勁開心，可惜三個人燒都只係得九十分鐘，有啲趕急。但最值得讚係：抽風好好，食完啲衫同頭髮唔好好大陣味！
张贴
