Lucy Coffee N Food (已結業)

荃灣執左之後，竟然係公司附近開左！發達喇！抹茶紫米芝士蛋糕依舊咁濃，同芝士balance 得好好，無搶左大家既味，紫米添加左口感，正！抹茶金寶都濃茶味，但相對抹茶紫米芝士蛋糕就梗係無咁吸引。無花果撻用左珍寶size 無花果，所以waitress話會貴啲，個撻好脆，無花果好清甜，整到成朵玫瑰花咁靚。意大利青瓜偽意粉好清新！啲烤甜椒好香，腰果醬撈埋啲青瓜度一啲都唔流。見咁耐都唔上菜，以為漏單，原來waitress見我地未食完甜品，驚我地放個青瓜意粉係度出水，如果佢講聲我地知會更貼心。我杯earl grey chocolate 依舊咁香濃！食物整體都好食，不過服務有待改善。第一，短髮老闆一向好有性格，態度有啲差，企左係廚房位置外諗住落order，因為為以前舊鋪係咁，點知佢用好唔耐煩既態度叫我地返埋位，好趕客囉！我都知鋪頭細左好多，咁你講清楚或者標示清楚俾人知咪唔會搞到咁。第二，黎到問waitress 有無抹茶卷，佢話無。點知到我地食晒竟然見到隔離枱有得食，好明顯大家無溝通，佢見我瞪大眼望住件抹茶卷，佢立即道歉話頭先唔知⋯一間好既店，唔可以只係食物質素好，服務都好緊要。