旮旯 (已結業)

不嬲好鍾意食抹茶 旮旯開左黎元朗真係我既福音😍之前食過抹茶卷蛋同抹茶麥提沙糯米池（專攻甜品😂）今次再試限定既極濃抹茶卷蛋❤️❤️啲抹茶醬多到流晒出黎 就咁食左啖抹茶醬先，不得了😍好滿足 果然係極濃抹茶 好香好濃既抹茶味 再食落就有種吉士包入面啲吉士醬既甜味 但甜而唔漏食完之後成個口都仲好香抹茶味 唔想飲水😣個卷蛋就正正常常 唔算特別鬆軟 但都唔會乾爭爭 其實有個醬佢已經配乜都好食！希望可以繼續出多啲抹茶類既甜品！