御前上茶 (已結業)

我自己唔太好綠茶，所以之前沒有食過抹茶餐廳。但今日去左屯門，諗緊食咩好就見到御前上茶，就膽粗粗試下。星期六中午去到都要排一陣，現場坐位都有超過30個，OpenArea形式，都幾有日本feel. OK，所有無論咸點熱食還是甜品都無清一色同茶有關～今次叫左蟹肉茶漬飯同抹茶窩夫。蟹肉與其他食肆比較已屬較多分量，加入茶之後更容易入口但喜歡食一粒粒米飯既人可能唔太Like, 因為加了茶後，米飯會變軟感覺有點像食粥咁～抹茶窩夫可以揀雪糕配搭，由於我真不太好抹茶，就揀左豆腐味雪糕，加上紅豆，食落有點冰火二重奏，因為窩夫上店既時候都係熱熱地，質地鬆軟。總括，喜歡抹茶的朋友都推介試下，可惜keep住都有人排隊等位，想坐耐D都唔好意思，要坐低聊天的朋友，食完後再搵下好地方喇～