柏景餐廳 (已結業)

臨時決定食Tea buffet 幫姨甥仔補祝生日, 知道冇時間search, 都係搵番Cafe on the Park, 因為對佢有信心. 星期六當日朝早打電話試試, 佢地話剩番門口位, 好過冇. 點知去到原來坐喺近Salad bar 嘅圓型卡位, 簡直喜出望外! 食物方面, 以tea buffet嚟講真係好多選擇, 我只提出我最鍾意果D, 包括: 魚生: 只有三文魚, 好鮮甜又厚切, 供應無停過. 亦有魚生飯.串燒: 好多選擇, 聽人講牛舌好正, 不過我唔食牛肉. 雞肉串好入味, 唔駛點醬已好夠味. 仲有雞翼, 腸仔,冬菇, 翠玉瓜, 西蘭花. 睇D師傅唔停手咁燒, 條人龍keep住大約6-8人左右, 唔駛等好耐. 雞粥: 粥底好綿, 食完串燒後食番碗粥, 好正!澳門豬扖包: 個麵包本身好脆, 單係食個包已經好好食, 豬扖稍賺唔夠入味. 冰板炒雪糕: 我至愛嘅HD雲糕加其他自選配料嚟抄, 好得意!佢地宜家做緊地道風味, 仲有好多其他野食: 台式花枝羮、酸辣豆花、港式濃芝士撈一丁、生菜魚肉湯、潮州卥水豆腐豬肉、抄豬腸粉等, 真係好多野食.以食物質素同服務, 再加上75折coupon,