滋味雞 (裝修中)

夜晚諗唔到食乜，咁啱之前收到張外賣紙，就決定打電話叫外賣試吓，佢應承60-75分鐘先到，結果30分鐘就到左。一打開蓋，泰式香辣雞Pizza仲係熱辣辣又香，入面有洋蔥青椒蘑菇菠蘿雞肉泰式辣醬，上面仲沈左啲黑椒碎，甜甜地又辣辣地幾好食。煙三文魚焗飯入面有蟹柳蘑菇魷魚青椒配忌廉汁，整碎晒d煙三文魚成兜飯撈勻超好味。檸檬蜜糖燒雞翼，d雞翼燒得香脆可口，但係就冇乜檸檬同蜜糖味。$188有普通批+飯+小食同三罐飲品，超抵食。