Hero's Friday (已結業)

自己好鍾意食pancake，用pancake嚟做burger喺北海道試過一次之後，就一生難忘。香港比較少地方試到，之前喺荔枝角試過呢一間，好好味。今日經過深水埗，原來開咗新分店，又買一個套餐嚟食。豬柳蛋班堡 只有外賣，可以配薯條、薯餅或者粟米。揀咗薯餅 ，飲品喺雪櫃自己拎，有不同嘅汽水、蒸餾水任揀，揀咗枝微碳酸礦泉水，未試過都幾特別，即係梳打水。講番個班堡先，因為只有做外賣，冇得堂食。於是行咗去西九龍中心嘅food court坐低食。行嘅路程都有十分鐘，但係拆開嚟食嘅時候，班堡仍然熱辣辣，會出煙。而且好厚身，啲蛋超級多，我估應該有三隻雞蛋咁多，所以蛋味最濃郁。漢堡扒好薄，麥記嗰啲款式。但係班堡實在太厚身，好大個，十分超值。 薯餅炸得好脆。性價比都幾高，如果呢間有得做堂食應該會好多人。