泰玖 (已結業)

琴日係荃灣發現左間工業風裝修既泰國野，Lunch Set $78已經有主食、小食同凍飲，見佢咁抵就決定要試下🤣主食方面我地叫左個泰式無骨海南雞飯同泰式臘腸炒飯💕個海南雞飯係用左油飯，食落粒粒分明而且好香，個雞口感爽嫩，加埋佢個辣醬好好食😛個臘腸炒飯炒得好香，而且都幾多配料，泰式臘腸比起港式既無咁油膩，鹹鹹甜甜，令個飯既味道更豐富😬小食方面揀左香茅蒜香雞翼同炸蝦餅🙌🏻兩樣野都炸到好脆好香口，我特別鍾意個炸蝦餅，咬落去係彈牙得黎有汁🤪跟餐飲品既選擇都幾多，我地就揀左蜜桃冰茶同芒果冰茶，兩杯茶都唔會好甜，仲幾大杯添🤣整體呢餐都食得幾滿意，而且呢個lunch set真心抵，大家可以去試下😍