小甜谷 Dessert Kaffee (已結業)

小甜谷係一間甜品店係人都知，原來銅鑼灣分店有做正餐，lunch set重幾抵食，一於約埋D同事一齊嚟試吓！呢度lunch time人流唔算多，而且仲可以電話訂位，好方便。lunch set ＄58-＄88送一杯果茶（最近去變左送熱玫瑰烏龍茶，唔知之後會唔會轉，送水果茶開心啲！）加＄10有湯，當日係蘑菇湯，味道好濃又creamy，不錯！另外加＄12可以有原個西柚汁，貪得意又叫左！以為加錢係upgrade杯果茶，原來2樣都有。最後飲唔曬成個西柚攞返公司慢慢飲。個西柚汁無落糖，所以澀澀地，我覺得幾refreshing但有d同事就好唔like...真係好在睇個人口味…All day breakfast 幾好味！我鍾意個無花果包，有咬口。炒蛋加左黑松露好香。overall 個breakfast好豐富，食完好飽。另外叫左個carbonara 都唔錯！rich 得黎唔會覺得膩。銅鑼灣呢個quality的lunch set價錢算reasonable。可惜午市唔供應甜品，有埋就perfect喇。