大瀛喜日本料理 (已結業)

朋友仔話要Encore三小時抵食午市放題，book好旺角大瀛喜日本料理食返餐勁。每位$198，加一後$218，食足3個鐘，抵食！用QR code落單方便快捷唔漏單。先來放題必叫的刺身，我們叫左甜蝦、虎蝦、三文魚、油甘魚、帶子 、鯛魚、北寄貝、希靈魚、榮螺片、八爪魚、鮑片、甜蝦同埋大赤蝦，全部都好厚切鮮甜，無雪味。個刺身盤賣相味道均一流！壽司有芒果沙律加洲卷、龍蝦沙律大蝦卷燒三文魚腩壽司、鹽燒左口魚裙邊壽司同埋蒜蓉大蝦壽司，壽司勝在細細粒，可以試好多款式。芝士龍蝦沙律多士脆卜卜都幾香口。雞翼❤️最愛雞翼💖必食芝麻雞翼💕外脆內軟，雞翼加上芝麻勁香口，熱辣辣超美味。鹽燒蝦，牛舌燒得香口美味。天婦羅蝦蕃薯仔即叫即做，熱辣辣，美味十足。吉品鮑汁扣花膠，朋友推介之選⭐️啖啖厚肉花膠，落足料不欺場，回本必吃之選，又養顏又滋味。自助區仲有好多前菜、沙律、熟食、湯類和甜品，眼花撩亂，十分多選擇。飲品有凍有熱，仲有梅酒及清酒，岩晒一家大細，想飲咩都得。自助雪糕，自助唧軟雪糕幾得意。今天是海鹽雪糕，味道幾特別。小朋友最愛夾糖，但暫時只有一款。