越北牛肉粉專門店

营业中

休息中

禮拜日係大角咀體育館做完運動行去都幾方便。環境光亮乾淨闊落，十二點幾未開始多人，兩個人可以坐三人枱。禮拜日午市都有套餐，主菜加飲品，唔洗加一，幾抵。嗌一個蕃茄蟹肉札肉烤豬頸肉湯粉，粉揀左金邊粉，蕃茄湯濃度岩岩好又唔酸，蟹肉粉量都有一湯匙，札肉係特別味，豬頸肉都香咬落唔鞋。咖哩烤春雞，跟飯撈汁一流。雞烤得岩岩好唔鞋，幾滑，調味正常，咖哩汁有香味但唔會辣到唔入得口。跟餐嗌左熱飲，都正常。上菜都正常十至十五分鐘。通菜係跟餐小食加22蚊，都幾好。