祥仔辣辣 (雅蘭中心) (已結業)

開始有返堂食，即刻岀嚟搵食先。😋網上預約，諗住預約尖沙咀嗰間祥仔辣辣，點知冇位。唯有預約旺角分店，去到樓面招呼唔錯，入到去環境舒適，枱與枱分隔都有距離，坐得舒服。睇餐牌近日有二人餐，都好抵食$299，前菜有兩款，主食三選一，加多個小炒，跟住仲有小籠包兩個，仲有糖水送。份量都算足夠兩人食，但我就加咗個小食，部份嘅菜式可以揀唔辣，其實如果食得辣嘅朋友都唔會覺得好辣嘅。前菜就冇得揀喇，有川味口水雞同埋水晶酸辣粉。主食我就揀咗酸菜魚，酸菜魚嘅魚份量都算多，芽菜底加埋啲萵筍，我揀咗小辣，香而不太辣。最後甜品凍黃金南瓜露有驚喜，我問侍應有冇熱食，佢話冇。我食完知點解冇熱食，清甜滑口，正！😋下次去試吓其他嘢先😊