神輿日本料理 (已結業)

今晚收工約左身邊人去食放題，之前同朋友食過神輿，覺得都幾好食，所以今次就決定去食多次。門口裝飾好靚，好有日本既感覺，然後坐低睇下有咩食，好大一本點餐紙，食物種類都好多，黎食放題，一定要食刺身先喇，有我最鍾意既赤貝同馬刀貝。赤貝同馬刀貝都好爽口，好正。身邊人就鍾意食三文魚同甜蝦然後叫左好多壽司，好多都係我同身邊人都鍾意食既款，有左口魚，三文魚，劍魚。每件壽司上既刺身同飯既比例，我自己覺得岩岩好，唔會太多飯。然後發現重有海膽軍艦，勁開心，味道都幾鮮。我地再叫左炸物，我地好鍾食食芝麻雞翼，所以係必點既。飲品方面，今晚全晚我都飲呢隻芒果酒，第一次飲佢，竟然好好飲。