Double Tree (已結業)

尋晚係公司OT到8點都已經過好餓，所以同同事決定係公司附近搵間餐廳食埋晚飯先返屋企！行行下見到餐牌都唔錯！於是我地就入左去試下~所有主菜本身已經包括餐湯同甜品，亦都可以加20蚊多一款頭盤！頭盤揀左兩個沙津，分別有煙三文魚凱撤沙津同煙三文魚芒果沙沙，兩個沙律都不錯！好新鮮！唔同既地方係一個主要用蔬菜、另一個係用沙津醬生果！仲有龍蝦湯都好香濃，入面都有幾多海鮮！忌廉黑松露醬海鮮扁意粉黑松露醬好香配上爽口海鮮味道一流！意粉質感唔會太淋身，所以食落唔會有好溜既感覺！值得推介！炭燒美國安格斯肉眼扒(配薯菜)我地叫左五成熟，上菜時剛剛好，肉質軟身，有濃濃既牛肉味，油脂分佈均勻！焦糖布丁布丁面既焦糖脆脆的，布丁凍凍的，唔太甜不錯紐約芝士餅咪睇佢細細件，佢有好濃郁既芝士味，入口滑滑既口感簡直係整晚最大既驚喜！