龍門冰室 (已結業)

九點幾先放工，好肚餓，同朋友一齊點左牛扒及什扒餐，碟上，因為唔想俾個鐵板整到d扒太熟，所以食親鐵板都會轉碟上。塊牛扒煎得好靚！肉質香，口感足，仲配4條炸蝦好香口，是即炸的！D飯都幾彈牙，有d似珍珠飯。朋友的什扒飯都好大碟呀！有牛扒，size同我個餐差唔多大件，又有雞扒，肉質嫩滑，仲有炸帶子及香草腸，我都試左d香草腸，真係好有香草味，名乎其實！原本想食埋小食，但食完份扒餐已經好飽，哈哈！下次試其他野食！