盈暉海鮮酒家 (已結業)

一家三口逢星期日都要飲茶, 真是改不了的習慣! 呢間係第一城既酒樓算平, 食物唔錯, 最緊要係唔洗點等位!牛肉腸粉-皮薄餡靚, 鼓油又俾得多, 腸粉好滑, 可惜牛肉有啲少, 食落唔係啖啖肉!鮑汁雞腳-其實我真係好中意食雞腳! 呢度既雞腳炆得好淋好入味, 鮑汁又唔會太咸或者太甜, 識食梗係要食埋係底吸哂味既花生啦!'炒米粉-份量唔算多, 而且啲粉斷哂咁好碎, 炒得無乜鑊氣又無乜味, 火腿又唔多條, 同以前無得比, 唔知係咪換左師傅?咸水角-炸得唔算好脆, 所以食落好痴牙。不過啲餡都幾多, 算唔錯。點心拚盤-媽咪最中意, 大件夾抵食丫嘛! 馬拉糕好普通有啲苦lol...蝦餃燒賣其實都好難唔好食, 最緊要啲蝦夠新鮮! 千層糕煙煙軔軔幾好味, 又唔會太甜。另外嗰隻餃唔好味, 啲皮好厚啲餡又唔知係咩黎...