半島漁港/阿翁火鍋館

营业中

休息中

去咗男朋友屋企附近晚飯，原來秀茂坪商場都有半島漁港，鍾意食海鮮嘅我就提議入去食。職員安排好坐位後就開始逐個餐牌睇吓有咩啱食晚就發現做緊$1優惠，$1可以選擇乳豬仔、文昌雞或者燒鵝皇，最後就揀咗極品BB豬，另外點咗個海鮮雙拼（蟶子皇拼海蝦），再加多兩隻扇貝同埋紅燒豆腐煲。先上咗個海蝦，望落去D蝦都好新鮮，食落好彈牙！紅燒豆腐煲都好大煲，豆腐亦都好嫩滑。蟶子皇果然夠哂大隻，每隻都好鮮甜爽口。蒜蓉粉絲蒸扇貝嘅扇貝好大粒，配合埋蒜蓉粉絲真係無得彈。BB豬上到枱都仲暖暖地，入口香脆嘅皮好似食緊薯片咁。埋單前仲有桂花糕送，真係果然街坊價錢特別抵食。