影片
更多
2018-12-15
114 浏览
12月聖誕節，梗係要食下聖誕大餐啦，但市面上好多聖誕大餐都要過千，對一般打工仔嚟未免有啲貴，但早兩日係將軍澳見到有間餐廳做緊$698/2位 既火紅烈焰聖誕晚餐promotion，賣相睇落好吸引，即刻勁心郁，今日就叫埋朋友4個人去試試佢啦！一個2人聖誕大餐包括：1.兩客香草蕃茄濃湯2.雙層頭盆架3.香煎帶子扁意粉伴牛油果香草醬OR 大蝦意大利飯 (2選一)4.和牛西冷牛排OR紅酒燴羊膝 (2選一)5.火焰龍蝦Pizza6.白朱古力慕斯伴泡芙（+$38）7.2杯咖啡、茶或特色飲品（可＋$38更可升級至聖誕特色雞尾酒）望落好花多眼亂，樣樣都想試！最後因為我哋有四個人，為咗試晒所有主食所以就叫咗兩個套餐，好期待。首先品嘗嘅就係 香草蕃茄濃湯，必須一提蕃茄味勁濃郁，酸酸地好開胃！而上面粒星星係烤麵包，睇落好可愛，賣相一流。之後就到雙層頭盆架啦！上層有兩粒火雞肉丸，面頭淋咗雜莓醬，食落彈牙又酸酸地，唔錯！之後仲有parma ham伴無花果烤麵包同埋紅莓石榴烤麵包各一件。我最鍾意就係parma ham伴無花果烤麵包，因為入邊仲有啲羊奶芝士醬，食落又咸又香，羊奶芝士同Parma ham簡直係絕配！t
一個2人聖誕大餐包括：
1.兩客香草蕃茄濃湯
2.雙層頭盆架
3.香煎帶子扁意粉伴牛油果香草醬OR 大蝦意大利飯 (2選一)
4.和牛西冷牛排OR紅酒燴羊膝 (2選一)
5.火焰龍蝦Pizza
6.白朱古力慕斯伴泡芙（+$38）
7.2杯咖啡、茶或特色飲品（可＋$38更可升級至聖誕特色雞尾酒）
望落好花多眼亂，樣樣都想試！最後因為我哋有四個人，為咗試晒所有主食所以就叫咗兩個套餐，好期待。
首先品嘗嘅就係 香草蕃茄濃湯，必須一提蕃茄味勁濃郁，酸酸地好開胃！而上面粒星星係烤麵包，睇落好可愛，賣相一流。
之後就到雙層頭盆架啦！上層有兩粒火雞肉丸，面頭淋咗雜莓醬，食落彈牙又酸酸地，唔錯！之後仲有parma ham伴無花果烤麵包同埋紅莓石榴烤麵包各一件。我最鍾意就係parma ham伴無花果烤麵包，因為入邊仲有啲羊奶芝士醬，食落又咸又香，羊奶芝士同Parma ham簡直係絕配！tea set架下層有一大碟紅菜頭香橙沙律，上面仲有黑醋汁，食材配搭起來酸酸甜甜，開胃首選，而且份量仲好多，朋友講笑話食完呢碟沙律已經有少少飽肚嘅感覺。
第一個上枱嘅主菜呢就係香煎帶子扁意粉伴牛油果香草醬，第一眼望落去呢覺得呢碟意粉好有聖誕氣氛，因為又紅又綠。而個牛油果香草醬好香滑，有濃濃牛油果香，味道一流，食落仲好有口感，女士應該都會鍾意。
第二個主菜呢就係大蝦意大利飯，意大利飯吸收了蝦的精華，好惹味！
第三個主菜係紅酒燴羊膝。有朋友本來就唔鍾意食羊，因為怕羊有羶咪，但廚師講個羊膝已經用紅酒燴左好耐，叫朋友可以放心食。果然，食落發現完全冇羊羶味，羊肉又入味又嫩滑，連伴碟嘅薯蓉都好好食！
第四個主菜係西冷牛扒，大大塊，啖啖肉，又唔會overcook， 好好食！ 四個可以選擇既主菜都好出色。
之後就到最期待嘅火焰龍蝦Pizza啦！每個set都有一個pizza, 拎出嚟嗰下呢見到原隻大隻龍蝦已經嘩一聲，點知職員呢仲即場點火，成隻龍蝦比紅色嘅火焰包圍淨，睇賣相一百分。而每件 Pizza都有多嘅龍蝦肉，好鮮甜，鍾意食龍蝦嘅朋友一定唔可以錯過。提提大家記住要食埋龍蝦殻入邊嘅餸。因為入邊用龍蝦肉、海鮮粒同蘑菇粒炒埋一齊，好好食。最後真係食到龍蝦頭都乾淨晒，強烈推介！
本身跟餐我哋可以飲咖啡或者茶，但加$38就可以升級做聖誕雞尾酒，我地決定試試佢，分別係牛奶接骨木vodka同埋士多啤梨vodka，估唔到係搵試管裝住，賣相好特別。vodka成份唔多，好易入口，相信女仔都會鍾意飲。
其實食晒以上嘅嘢已經好飽好飽，但第一份好嘅聖誕大餐點可以冇甜品收尾呢！所以我地最後食埋白朱古力慕絲泡芙，一份有四粒，泡芙好香軟， 朱古力夠晒濃滑Sweet，食完簡直有一種好滿足嘅感覺。
如果唔加聖誕特飲，$698/2位，除翻開每人$400左右，咁多高質野食，呢個聖誕大餐，超抵超值！
张贴
