影片
更多
2016-03-16
293 浏览
好姊妹生日飯局一定要出席，姊妹今日拉隊到呢間泰國菜館，位置唔算好顯眼，但好姊妹就價錢厚道又抵食，我當然會試下喇。 打開餐牌，有套餐和散叫選擇，套餐分幾得價錢，以菜式和份量相對黎講真係都幾抵食，於是三姊妹就叫了一個套餐（$358）再加小的冬蔭功（$68）和一個泰式炒河（$58）。 冬蔭功(小) ($68)這個小冬蔭功雖然上破時沒有鍋盛住只有大碗，不過都是熱呼呼的。湯料有大頭蝦，鮮茄和大量的菇！份量十足。鮮蝦有膏又肉質彈牙，配上酸酸辣辣的湯，做得十分醒胃，不過味道可以再濃一點就感覺更滿足了。 脆肉炒通菜脆肉即是類似港式燒肉的那種，有油份食落脆口鹹香，和蒜瓣、蝦醬一起炒通菜，香口惹味。通菜雖然算不上時令的菜，但欣賞的是餐廳都選取幼嫩部份炒菜，食落都無成渣。 咖哩軟殼蟹滿滿香甜的咖哩汁底下有炸得香脆並碎上的軟殼蟹，加上很多的配料如洋蔥, 青紅椒, 顏色鮮艷得見到已經口水流。咖哩汁混上雞蛋，增添了一份香滑口感，如果配搭白飯、薄餅撈來一起吃就一流了！ 辣椒膏炒大蜆整碟都有十數隻，比預期中多呢！ 蜆肉乾淨沒有沙，甜甜辣辣的味道開胃到不得了。 泰式燒則魚侍應上端上餐桌時，我地都碌大對眼心諗：咁大條既.
好姊妹生日飯局一定要出席，姊妹今日拉隊到呢間泰國菜館，位置唔算好顯眼，但好姊妹就價錢厚道又抵食，我當然會試下喇。
打開餐牌，有套餐和散叫選擇，套餐分幾得價錢，以菜式和份量相對黎講真係都幾抵食，於是三姊妹就叫了一個套餐（$358）再加小的冬蔭功（$68）和一個泰式炒河（$58）。
冬蔭功(小) ($68)
這個小冬蔭功雖然上破時沒有鍋盛住只有大碗，不過都是熱呼呼的。湯料有大頭蝦，鮮茄和大量的菇！份量十足。鮮蝦有膏又肉質彈牙，配上酸酸辣辣的湯，做得十分醒胃，不過味道可以再濃一點就感覺更滿足了。
脆肉炒通菜
脆肉即是類似港式燒肉的那種，有油份食落脆口鹹香，和蒜瓣、蝦醬一起炒通菜，香口惹味。通菜雖然算不上時令的菜，但欣賞的是餐廳都選取幼嫩部份炒菜，食落都無成渣。
咖哩軟殼蟹
滿滿香甜的咖哩汁底下有炸得香脆並碎上的軟殼蟹，加上很多的配料如洋蔥, 青紅椒, 顏色鮮艷得見到已經口水流。咖哩汁混上雞蛋，增添了一份香滑口感，如果配搭白飯、薄餅撈來一起吃就一流了！
辣椒膏炒大蜆
整碟都有十數隻，比預期中多呢！ 蜆肉乾淨沒有沙，甜甜辣辣的味道開胃到不得了。
泰式燒則魚
侍應上端上餐桌時，我地都碌大對眼心諗：咁大條既........................?! 泰式明烏頭就食得多, 燒則魚真係第一次食, 外表以為乾爭爭，殊不知一揭開，魚身香味撲鼻，原來內裏放了香葉呀, 香茅等等香料，肉都十分嫩滑鮮味！附上的辣汁仲令魚肉鮮甜味更重！真係做得好好，老闆亦好自豪咁講係即叫即燒，真係十分推介！
泰式肉碎炒河
份量都多，特別是用上闊身的河粉，質感炒得較爽滑，沒有黏黏的，油份亦適中沒有太重味道，帶少少辣同九層㙮幾惹味！
张贴
