影片
更多
2019-08-02
1296 浏览
成日去上水街市買野食，今次行過少少，去咗彩園行下～一開始見到有間飲品舖新張做緊買一送一，俾佢吸引咗行過去！然後就俾我見到原來連住一間新餐廳，原隻波士頓龍蝦喇沙都係做緊半價！嗱臨㩒張飛仔排隊等位！食物款式都幾多，小食、沙律、喇沙、湯河、凍檬、炒菜、咖喱、炒粉麵飯、甜品都有，單頭價唔算太貴。最特別係，仲有好多台式飲品揀！原隻波士頓龍蝦喇沙原價：$168 新張半價：$84［分數：8/10］原隻波士頓龍蝦放喺碗喇沙上面，影相打卡一流！隻鉗大大隻好可愛！不過食嘅時候最好放落隻碟先打開，太大隻一搣好易彈到成身喇沙！喇沙湯底幾香，啲粉粗幼混合，仲有少少芽菜增強口感。不過我最鐘意嘅係吸滿晒喇沙湯嘅豆卜，夠晒香濃！招牌無骨海南雞 $108半隻 $148全隻［分數：7.5/10］其實叫全隻抵食好多，見好多枱都有叫，不過人少食唔到咁多野，唯有叫半隻試下！海南雞肉質幾嫩滑，除咗雞翼之外，其他部分都去晒骨，無加碗油飯送真係有啲遺憾感，下次應該會直接叫海南雞飯！香脆鱸魚配青芒果秘製醬汁 $98［分數：7/10］估唔到會有香脆鱸魚呢類功夫野，要起魚，切件再炸，又要加埋青芒絲上去。價錢唔貴，原條鱸魚都只係$98蚊！
成日去上水街市買野食，今次行過少少，去咗彩園行下～一開始見到有間飲品舖新張做緊買一送一，俾佢吸引咗行過去！然後就俾我見到原來連住一間新餐廳，原隻波士頓龍蝦喇沙都係做緊半價！嗱臨㩒張飛仔排隊等位！
食物款式都幾多，小食、沙律、喇沙、湯河、凍檬、炒菜、咖喱、炒粉麵飯、甜品都有，單頭價唔算太貴。最特別係，仲有好多台式飲品揀！
31 浏览
0 赞好
0 留言
原價：$168 新張半價：$84
［分數：8/10］
原隻波士頓龍蝦放喺碗喇沙上面，影相打卡一流！隻鉗大大隻好可愛！不過食嘅時候最好放落隻碟先打開，太大隻一搣好易彈到成身喇沙！
喇沙湯底幾香，啲粉粗幼混合，仲有少少芽菜增強口感。不過我最鐘意嘅係吸滿晒喇沙湯嘅豆卜，夠晒香濃！
招牌無骨海南雞 $108半隻 $148全隻［分數：7.5/10］
其實叫全隻抵食好多，見好多枱都有叫，不過人少食唔到咁多野，唯有叫半隻試下！海南雞肉質幾嫩滑，除咗雞翼之外，其他部分都去晒骨，無加碗油飯送真係有啲遺憾感，下次應該會直接叫海南雞飯！
香脆鱸魚配青芒果秘製醬汁 $98［分數：7/10］
估唔到會有香脆鱸魚呢類功夫野，要起魚，切件再炸，又要加埋青芒絲上去。價錢唔貴，原條鱸魚都只係$98蚊！鱸魚唔算太嫩，啲邊位反而炸得好香脆。
個秘製醬汁有啲似偏酸嘅泰式醋汁，我拎咗啲泰式甜酸醬嚟點，覺得甜甜地更加好食～
11 浏览
1 赞好
0 留言
13 浏览
0 赞好
0 留言
富士蘋果芝芝冰茶 $37
（新張買一送一）［分數：8.5/10］
原本想喺舖入面叫飲品，啲職員好好，提我地可以出去買咗先，外面買先有得買一送一！所以見好多人都出去買完再拎入餐廳～芝士奶蓋都幾香滑，兩杯都叫咗少甜，草莓冰茶酸酸甜甜，富士蘋果冰茶味道清甜。就我個人口味會比較喜歡草莓味～
Mee...lemongrass (上水)
上水彩園路8號彩園廣場地下G10號舖
张贴
