Chef's Stage Kitchen (愉景新城) (已結業)

今日夜晚去左愉景新城行街，晚餐見到chef's stage kitchen西餐廳見到環境唔錯就入去食。頭盤我點左職員推介既墨西哥玉米脆片，上碟熱辣辣，配埋沙律醬同牛油果醬，好yummy, 而且都好大碟!主菜食日本炭燒豬腩配焗薯，塊肉好厚好大舊，而且煎到留有肉汁，岩晒我呢啲食肉獸。而朋友就點左波士頓龍蝦尾+帶子+藍青口+蜆龍蝦汁燴意大利飯。海鮮好豐富，特別係帶子大大粒，而個飯整體都好有水準。飲品就試左斑蘭葉smoothie同朱古力咖啡鴛鴦，2款都唔錯，中意fresh口感推介試下前者。