影片
更多
2018-06-28
1670 浏览
話說，我係尖東做左咁耐野，都唔知呢度有間鳯城酒樓 某日同事講起，先知 因為係地庫，所以要行一條長長的樓梯落去 其實呢度係2間店定一間店，定一間店2個名，我都搞唔清~XD ANYWAY 兩間都係老字號品牌，都係好野黎啦~ 雖然係老字號，但入面既裝修一Ｄ都唔老喎 唔知係咪新裝修過呢。 開初一直以為呢D老字號，又係尖東呢D遊客地方 仲要時值LUNCH 時間，價錢應該都唔平架啦~ 點知........ 係估唔到咁抵 一個麵餐都只係40蚊~ 仲有特價點心$16.8 $18.8 ，官塘區既酒樓都無咁平呀~ 另一個更抵既係HKD 168 套餐 2款小食 / 一款炒粉麵 / 4款點心 竟然咁抵，就要試一試佢啦~ (是日其實得2條友) 點心叫左蜜汁叉燒同菜 雖然係小食，但估唔到咁大碟 同平時既例牌一樣咁多呀~ 蜜汁顏色有光澤，好吸引，望到都覺好食~ 叉燒用左全瘦，雖然有少少嚡，但唔韌架~ 蜜汁真係好好味喎~ 菜都好食，呢樣真係無呃你 菜灼得好爽口，又翠綠，加少少豉油，非常新甜~ 豉椒涼瓜炒麵，呢味餸真係好懷舊 因為係老人先LIKE 食 (XD) 但我呢幾年真係愛上左食涼瓜呀 尤其係呢種
某日同事講起，先知
因為係地庫，所以要行一條長長的樓梯落去
其實呢度係2間店定一間店，定一間店2個名，我都搞唔清~XDANYWAY 兩間都係老字號品牌，都係好野黎啦~
雖然係老字號，但入面既裝修一Ｄ都唔老喎唔知係咪新裝修過呢。
開初一直以為呢D老字號，又係尖東呢D遊客地方仲要時值LUNCH 時間，價錢應該都唔平架啦~
點知........
係估唔到咁抵
一個麵餐都只係40蚊~
仲有特價點心$16.8 $18.8 ，官塘區既酒樓都無咁平呀~
另一個更抵既係HKD 168 套餐2款小食 / 一款炒粉麵 / 4款點心
竟然咁抵，就要試一試佢啦~ (是日其實得2條友)
點心叫左蜜汁叉燒同菜
雖然係小食，但估唔到咁大碟
同平時既例牌一樣咁多呀~
蜜汁顏色有光澤，好吸引，望到都覺好食~
叉燒用左全瘦，雖然有少少嚡，但唔韌架~
蜜汁真係好好味喎~
菜都好食，呢樣真係無呃你
菜灼得好爽口，又翠綠，加少少豉油，非常新甜~
豉椒涼瓜炒麵，呢味餸真係好懷舊
因為係老人先LIKE 食 (XD)
但我呢幾年真係愛上左食涼瓜呀
尤其係呢種炒到剛熟，仲好爽口的涼瓜，基本上我自己可以食哂成條碟既涼瓜
不論涼瓜同排骨都鋪得滿滿的，絕對無近年"物價貴，樣樣得細細"的壞習慣
麵底係炒到香脆，夠鑊氣。雖然淋上了汁，但上到枱仲有脆脆的口感
呢種軟中又帶脆的麵條絕對係食炒麵的精髓~
當然，仲要讚一讚那個豉汁，份量剛好，唔會淋泡個麵條
亦唔係成PAT 漿的麵粉水~
點心共有四款
上湯炸粉果
真係超級懷舊點心，唔係好多地方有得食，有得食都唔平~
粉果炸到好靚，堅係金黃色~ 個皮仲好鬆化
入面爆多蝦肉~ 似蝦餃多D~
食個時仲有個上湯過下冷河架~
炸春卷
同樣炸得好靚，外皮金黃，入面甘甜
春卷其實都有好多種
有三鮮, 有鮮蝦
而呢隻春卷就係傳統兒時的味道
有菜有漿，甜甜地架，
同依家街個D乾爭爭既好唔同
山竹牛肉
份量係大份既，但唔知係咪太大份，牛肉球入面有D雪味
南翔小籠包
其實近年去飲茶，都少叫左，因為通常都係來貨
呢個都似係，皮較厚，肉亦實
總括就係呢D既小炒，炸物，即叫即製，有水準
反而蒸點心似來貨，味道稍遜
基本上，呢個168餐 2個人係食唔哂既~
最啱3個人，甚至4個女仔都夠食呀~
估唔到係尖東呢D地方，有間咁抵食既茶樓
而且味道仲好好
而且最重要係LUNCH 仲唔使搵位呀~XD
题外话/补充资料：
以上價錢未包加一服務費同茶芥每位10蚊~
(以上食记乃用户个人意见 , 并不代表OpenRice之观点。)
张贴
