6
同男朋友經過宜家傢俬 頭先好似冇食飽，又嚟呢度難得唔使等位 冇平時咁多人，就食多少少嘢
見到凍蝦$30好似幾抵食就試吓
份量都幾多
雖然啲肉細細隻，不過幾鮮甜 個殼都幾軟，牙力好好嘅連埋個蝦殼食添🤣🤣😙
經過見到個菜$6幾平咁就嗌多碗熱嘅嚟食吓，雖然都係啲急凍菜式 但係都過到口飲唔錯，幾好味好腍
呢度全部自助嘅，但係仲舒服，因為唔多人啦，坐得都幾舒服，同埋自己拎自己需要嘅嘢
知㗎啦，香港就算係有服務聲稱但係其實都係黑口黑面或者嗌好耐都冇應付你嘅要求… 自己拎都唔錯
特別係我鍾意拎醬汁
如果唔多人，下次同男朋友都想嚟宜家傢俬食午餐見到人哋啲豬手牛扒都好靚仔
不過睇極都睇唔到餐牌豬手幾多錢？
