外野手 (已結業)

近日因女兒快考試,要溫習,所以,都很少出去搵食了,今日突然醒起上個月既結婚週年,我同老公都忘記了,即刻趁機會叫老公出去食番餐補祝,主要既目的係...唔想煮飯~ 老公話想試吓"外野手",官塘果間已經試過了,都唔錯,就來新蒲崗這間外野手試試吧~我們Order了好多款食物,請看照片~刺身類-->>叫了兩轉,三文魚沒鮮味,榮螺刺身最好食~壽司類--->>多款壽司,都很失望~炸蝦天婦羅--->>炸得鬆脆,呢個最正~殨石蝦球--->>又黑又硬,不吃也罷~一口牛 --->>嚡烚烚,又多渣,難吃死了~芝士年糕 --->> 呢個做得唔錯,一咬入去,芝士一大捆的,好正,只是吃外面的糯米粉,一件都飽哂~冷麵 -->>清暑一流,味道沒甚麼特別,因為,都是靠個汁的,間間都大同小異呢~燒菠蘿--->>我老公同個女叫了三轉,我吃了一件,外乾,內多汁,有點似去串燒店食的果D~七味軟殼蟹--->>好大隻,只是炸得較"淋"身,味道不錯~三文魚頭-->幾好食~花之戀