影片
更多
2019-09-24
321 浏览
最近壽司郎香港開業，開到係人都知，咁出名，一定要試下啦。手機app可以即日預約，十二點幾預約都差唔多要兩個鍾之後先有位。兩點左右到，到達要確認到達，再等多十零分鍾，有位。用餐時限一小時，一開始以為會趕，但落單係用機落單，一次落四件，落左一陣就到，好快有得食，所以一個鍾都唔算趕。 壽司有迴轉，有落order 既，最平12蚊兩件，貴既27蚊1件，12蚊款式算多。熟食有炸物，烏冬，拉麵，蒸蛋同湯。17蚊有任飲飲料吧，可能本身有綠茶粉熱水提供，所以四周圍都無咩見到人加17蚊任飲。 好，食壽司～海膽都有海膽味 但唔算新鮮 可以一試但下次黎唔會再叫 因為見到食評話十二蚊三文魚超薄 所以試17蚊厚切三文魚 但都唔覺得好厚油甘魚 明明睇落香甜肥美 但食落普通真雕 都新鮮 魚味 無咩特別中拖羅 雖然食兩件都有筋 但筋位唔算大 無傷大雅 魚肉味濃 魚油香 好味 十七蚊一件可再encore 大拖羅 雖然無筋 個樣又靚 但感覺 中拖羅更比大拖羅 因為中拖羅魚味較濃 但大拖羅魚油較多質地較軟熟 又無筋but just not my cup of tea 羅勒三文魚 羅勒味重 個人感覺比厚切三文魚抵食 好食鯖
手機app可以即日預約，十二點幾預約都差唔多要兩個鍾之後先有位。
兩點左右到，到達要確認到達，再等多十零分鍾，有位。用餐時限一小時，一開始以為會趕，但落單係用機落單，一次落四件，落左一陣就到，好快有得食，所以一個鍾都唔算趕。
壽司有迴轉，有落order 既，最平12蚊兩件，貴既27蚊1件，12蚊款式算多。熟食有炸物，烏冬，拉麵，蒸蛋同湯。17蚊有任飲飲料吧，可能本身有綠茶粉熱水提供，所以四周圍都無咩見到人加17蚊任飲。
好，食壽司～
海膽都有海膽味 但唔算新鮮 可以一試但下次黎唔會再叫 
因為見到食評話十二蚊三文魚超薄 所以試17蚊厚切三文魚 但都唔覺得好厚油甘魚 明明睇落香甜肥美 但食落普通
真雕 都新鮮 魚味 無咩特別
中拖羅 雖然食兩件都有筋 但筋位唔算大 無傷大雅 魚肉味濃 魚油香 好味 十七蚊一件可再encore
大拖羅 雖然無筋 個樣又靚 但感覺 中拖羅更比大拖羅 因為中拖羅魚味較濃 但大拖羅魚油較多質地較軟熟 又無筋but just not my cup of tea 
羅勒三文魚 羅勒味重 個人感覺比厚切三文魚抵食 好食
鯖魚壽司 喜歡押鯖魚壽司的鯖魚酸味與當中薑片渾然天成 好夾 但面頭舊菜好怪
炸野 睇落油淋淋 食落雖然唔算油 但唔知點解無天婦羅汁同蘿蔔泥 得包鹽
其實仲食左牛油果三文魚卷 牛油果好味
最後食雪榚 可能貴 要成32蚊 無咩人食 但真係好想食 雪榚牛奶味重 有粟米片 cream 紅豆 同一粒厥餅 有綠茶味 啲Creme 都香 32蚊 又真係新地咁 抵唔抵食 見人見智
總括 啲魚新鮮 舊飯就食得出真係機啤出黎既飯 唔好抱期望 但價錢抵食 會再去食
埋單177 一個人 有印花卡換公仔
由於等位人極多 所以建議用app book 左先去 慳時間啲！
张贴
