校長燒肉日韓料理 (沙咀道) (已結業)

原本呢個地方都係食燒肉，見校長燒肉開咗過嚟呢度，而且我又未試過，價格平，就算中伏都唔會話好心痛。樓下有職員，有𨋢搭上樓，地方面積算大，座位都闊，食物種類繁多，火鍋燒烤，飲品，甜品仲有酒樓點心，一次過滿足你唔同既願望。蜜汁與土匪雞翼，一般般，主要係唔太入味，唔好食，醃肉類又一般，雞扒好酸，唔敢食就掉左，牛肉正常。雞腎反而幾好，口感爽脆。選擇係多，但都冇啖好食🧐同埋個地下感覺好笠癡癡。點心類金錢肚反而又唔錯😏金錢肚幾入味，又唔癡牙。火鍋我地淨係用黎淥菜食，個豬骨湯底加埋啲娃娃菜，完全突顯到娃娃菜既甜味。甜品方面我好滿意，款多，每款細細杯，方便試曬佢，奇亞籽啫喱，呢杯好清新，伯爵奶茶底既仙草都出色，奶香，仙草同白涼粉都滑。整體來講，性價比確實高，不過啲醃肉就真心馬馬地，反而醃肉以外既野就幾好，呢個價錢都唔應該太要求。