影片
更多
2021-07-13
96 浏览
冇食點心放題好耐，喱間係我清單入面其中之一😆皆因佢唔貴，上網睇評論都唔差，佢既放題時間由11:30-17:00，最遲好似3:30入座，時間選擇範圍都幾大👍🏻早一星期打電話去唸住book位，點知話full booking😢怕等位既我地就食頭場啦😇不過…….11:30黎到銅鑼灣已經唔係困難既事，可能呢排早睡早起😏🥢食物🥢點心大約有25款，小食有8款，粉麵飯有4款，甜品有3款。👇🏻精選推薦👇🏻1️⃣泡椒魚皮絲：麻辣味好正，魚皮好爽彈牙，我唔算食得好辣既人，但都係食到成碟！2️⃣大良鮮奶一口酥：外皮炸到脆卜卜好鬆化，入面既鮮奶好香滑，奶味濃。3️⃣潮州蒸粉果：點解我會推薦，第一外皮唔會好厚，第二餡料足，第三有一層金色邊係外皮到夠精緻😆4️⃣鴛鴦流汁叉燒包：黑白嘅外表特別，包底煎到有少少脆邊，入面叉燒唔會係乾爭爭，保持juicy，都唔錯！5️⃣宮廷妃子笑：其實聽個名唔知係咩嚟，推介原因因為夠特別😉入面係奶黃餡。其他點心，麵我就覺得正正常常，冇話邊樣唔好食，所以整體來講加埋價錢係合格嘅，可以值得一試👍🏻💥環境💥地方都好大乾淨，一家大細嚟都好岩，同埋早上有太陽光射落去影相都幾靚。💥服務💥手機用QR code落單，手機每
早一星期打電話去唸住book位，點知話full booking😢怕等位既我地就食頭場啦😇不過…….11:30黎到銅鑼灣已經唔係困難既事，可能呢排早睡早起😏
🥢食物🥢
點心大約有25款，小食有8款，粉麵飯有4款，甜品有3款。
👇🏻精選推薦👇🏻
1️⃣泡椒魚皮絲：麻辣味好正，魚皮好爽彈牙，我唔算食得好辣既人，但都係食到成碟！
2️⃣大良鮮奶一口酥：外皮炸到脆卜卜好鬆化，入面既鮮奶好香滑，奶味濃。
3️⃣潮州蒸粉果：點解我會推薦，第一外皮唔會好厚，第二餡料足，第三有一層金色邊係外皮到夠精緻😆
4️⃣鴛鴦流汁叉燒包：黑白嘅外表特別，包底煎到有少少脆邊，入面叉燒唔會係乾爭爭，保持juicy，都唔錯！
5️⃣宮廷妃子笑：其實聽個名唔知係咩嚟，推介原因因為夠特別😉入面係奶黃餡。
其他點心，麵我就覺得正正常常，冇話邊樣唔好食，所以整體來講加埋價錢係合格嘅，可以值得一試👍🏻
💥環境💥
地方都好大乾淨，一家大細嚟都好岩，同埋早上有太陽光射落去影相都幾靚。
💥服務💥
手機用QR code落單，手機每10分鐘可以落一次單，如果10分鐘內就可以叫店員幫你落單～
食物上菜速度唔算等好耐，個日我地90分鐘都夠時間食，冇漏單嘅情況👍🏻
张贴
