利寶閣 (已結業)

日式放題你就食得多，點心放題你有食過未？🤔今日去咗上環呢間利寶閣食點心放題，每位$148，每位包一件原隻鮑魚酥同埋一客花膠灌湯餃🤩，淨係呢兩樣都值回票價啦🤑平時兩個人飲茶嘅話最多叫得四籠點心，但係嚟呢度就唔同喇，因為佢啲點心係可以逐件叫，咁就可以嗌多幾款唔同嘅點心啦👍🏻👍🏻全部點心都係即叫即做，上枱熱辣辣，除咗一般飲茶常見嘅點心之外，佢哋另外仲有啲幾特別嘅點心㗎，例如蘋果叉燒酥﹑荔蓉蜂巢帶子﹑百花燒賣皇﹑酥皮焗叉燒包等等😍除咗點心仲有飯類，比較特別嘅有暗然銷魂飯﹑籠仔飄香荷葉飯同沙田雞粥等等🙃食飽飽仲有四五款甜品選擇添😋