五要素食堂 (已結業)

好耐冇去The One 行街，係3樓見到間外表平凡但高質素既餐廳，叫做「五要素食堂」，如果只行樓下果幾層boutique好難發現到佢，佢主打和牛，日式和牛有 ，美國黑毛和牛都有，同埋有不同款式既飯，扒，沙律，仲有手打意粉同pizza ，餐廳裝修企理，坐得舒服，我叫咗個美國黑毛和牛井，係屬於細size， 同埋叫咗一杯 Chocolate cappuccino食物好快上枱，美國黑毛和牛井，大小適中，份量剛剛好，黑毛和牛大大件，咬落好冧身，飯底係用日本米，燒汁撈飯，正呀! 食落煙煙UN UN ，仲有少少美式沙律，感覺配撘好清新仲有杯Chocolate cappuccino ，咖啡味唔重，似飲緊杯熱朱古力加泡，唔太甜，今次食唔到咁多，下次有機會要試埋佢既手打意粉同埋甜品。