Running 燒 (已結業)

真係唔錯啵！去之前都有擔心OpenRice 上嘅係打手好評，點知昨晚去食過之後覺得真係幾抵食！我哋食17:00-19:20個時段，全單7折，所以埋單都唔駛200個人，每人$198。但呢個價錢已經食到燒肉、海鮮、炸雞同其他韓食，真係算好抵食了！食韓燒最怕佢係啲劣質肉，醃好哂燒完食落肚都唔知係咩肉，呢度嘅肉質量係可以的，肉嘅顏色都幾新鮮，特推羊西冷！份量係少啲，細細塊的，但堅好味，下次去一定要狂點！海鮮選擇都多，但我唔鐘意食海鮮的，所以剩係嗌蠔，總共嗌左14隻蠔，有原味同芝士。講真，係無咩肉食架啦，始終呢個價錢仲要任食，但起碼真係原隻蠔上，唔係啲得舊肉嘅/放返上個殼扮原蠔嗰啲貨色。第一批蠔就差啲，同埋可能我哋燒耐左，真係食唔到肉咁滯，最後嗰轉反而平均大份啲，不過整體都滿意嘅。韓食炸雞、水冷麵嗰啲我哋都覺得ok!店員服務質素都唔錯！幾有禮貌！主動幫我哋換烤板。又提我哋生蠔唔可以生食，門口有信封俾我哋入口罩咁～不過截單時間又好似係早啲，不過實際黎到燒埋食埋真係岩岩好咋，我雪條都食唔切就趕住走，費事阻人做下轉，所以都係可接受嘅！