影片
更多
2023-12-29
13 浏览
今日出開嚟旺角，上網睇吓有咩好食，見到呢間新開嘅石燒牛小排、吉列牛嘅餐廳，就嚟試試。餐廳係好景後面，廣華醫院對面，位置方便。餐牌除咗石燒牛肉豬肉之外，仲有吉列豬扒飯、鰻魚飯、野菜鍋等等選擇。今次我同朋友就叫咗一個御燒特級牛小排同牛肉野菜鍋。價錢唔貴，燒牛小排$158，而牛肉野菜鍋只係$85。點餐後店員就會送上爐具同埋燒熱左嘅石板，有一舊牛嘅脂肪俾你搽勻個石板，等一陣唔好黐底。牛小排肥瘦均勻，重牛味，喺石板上面燒可以燒到兩邊焦脆，好食。另外餐廳仲好貼心咁跟咗兩對筷子，俾你生熟分開，成餐飯店員換咗三次火，好貼心，連我自己都留意唔到個火熄咗。另外個牛肉野菜鍋同樣出色，湯底夠味得來唔會太濃搶咗牛肉嘅味道，蔬菜吸收咗湯嘅味道更加甜，好食！總括嚟講會介紹俾朋友同埋會再次幫襯！
餐牌除咗石燒牛肉豬肉之外，仲有吉列豬扒飯、鰻魚飯、野菜鍋等等選擇。今次我同朋友就叫咗一個御燒特級牛小排同牛肉野菜鍋。價錢唔貴，燒牛小排$158，而牛肉野菜鍋只係$85。
點餐後店員就會送上爐具同埋燒熱左嘅石板，有一舊牛嘅脂肪俾你搽勻個石板，等一陣唔好黐底。牛小排肥瘦均勻，重牛味，喺石板上面燒可以燒到兩邊焦脆，好食。另外餐廳仲好貼心咁跟咗兩對筷子，俾你生熟分開，成餐飯店員換咗三次火，好貼心，連我自己都留意唔到個火熄咗。
另外個牛肉野菜鍋同樣出色，湯底夠味得來唔會太濃搶咗牛肉嘅味道，蔬菜吸收咗湯嘅味道更加甜，好食！
總括嚟講會介紹俾朋友同埋會再次幫襯！
张贴
