A Tavola Bar & Grill (已結業)

經過星期一至五既忙碌，黎到星期六好想輕輕鬆鬆享受一個舒服既午餐。將軍澳澳南海岸勁多西餐，今次揀咗呢一間餐廳酒吧A Tavola Bar & Grill試一試。餐廳開揚，我鍾意佢高檯都有卡位坐，非常舒適，室外仲可以帶埋寵物一齊黎添。Beef Burger $158呢個係佢地既廚師推介。賣相好靚，份量十足，果然無叫錯!個Burger餡料好豐富，有牛肉餅、切達芝士、紅洋蔥、生菜、醃青瓜、蕃茄、煙肉同埋特製醬汁芝士流心，牛肉餅手打，好多肉汁，煙肉好脆又唔會乾，同埋所有材料都好新鮮。配埋粗薯條，炸得好香脆，仲有新鮮沙律菜伴碟，非常高質。Watermelon & Mint Slushie $68食 Burger點可以唔配杯野飲，呢杯薄荷西瓜沙冰真係好清爽，沙冰打得好滑，大大杯好抵飲。