影片
更多
2021-07-24
107 浏览
如果平時有揸車周圍去嘅朋友最擔心嘅一定係食飯嗰陣搵位泊車 成日驚食餐幾百蚊嘅飯又要食多張幾百蚊嘅牛肉乾今次比我搵到大埔呢個地方係正餐廳出邊就見到自己架車而且有咪錶同電單車位 咁就可以睇住自己揀愛車食飯 加上佢哋嘅泰國食物質素一啲都唔差 價錢相宜 所以都幾推介椒鹽炸肉排飯 🍖$52 呢個價錢仲要有埋飲品價錢一啲都唔算貴份量仲幾多 最緊要係佢哋嘅一字排骨做得幾好食 咬落去好Juicy 嗰個肉用嚟送飯真係一流 飲品叫咗佢哋嘅馬來奶茶 飲落去好濃郁非常推介 同港式奶茶嘅味道有啲唔同但係茶味同奶味都非常濃 特色得來又好值得一試青咖喱軟殻蟹焗麵包🦀$128同別一個黃咖喱嘅分別主要係呢個咖喱入邊係冇蟹肉嘅 而另一個黃咖喱就係蟹肉咖喱所以就矜貴啲啦 青咖喱食落唔算太辣 而且麵包配咖喱味道都幾好 幾個人share食就唔錯了沙嗲雞串配蝦醬炒飯 $62🥘最值得一讚係佢嘅炒飯 見大多數嘅泰國餐廳都係印尼炒飯之類 第一次試蝦醬炒飯味道好特別 炒得好惹味 而且每粒飯都做到粒粒分明 炒得幾好炸雞髀煎蛋飯$54🍗呢個算係咖喱雞髀飯 雞髀好大隻炸到脆卜卜 撈咖喱同埋爆咗出嚟嘅蛋黃汁送飯好開胃 用來做個午餐真係食到好飽可
今次比我搵到大埔呢個地方係正餐廳出邊就見到自己架車而且有咪錶同電單車位 咁就可以睇住自己揀愛車食飯 加上佢哋嘅泰國食物質素一啲都唔差 價錢相宜 所以都幾推介
椒鹽炸肉排飯 🍖$52
呢個價錢仲要有埋飲品價錢一啲都唔算貴份量仲幾多 最緊要係佢哋嘅一字排骨做得幾好食 咬落去好Juicy 嗰個肉用嚟送飯真係一流
飲品叫咗佢哋嘅馬來奶茶 飲落去好濃郁非常推介 同港式奶茶嘅味道有啲唔同但係茶味同奶味都非常濃 特色得來又好值得一試
青咖喱軟殻蟹焗麵包🦀$128
同別一個黃咖喱嘅分別主要係呢個咖喱入邊係冇蟹肉嘅 而另一個黃咖喱就係蟹肉咖喱所以就矜貴啲啦 青咖喱食落唔算太辣 而且麵包配咖喱味道都幾好 幾個人share食就唔錯了
沙嗲雞串配蝦醬炒飯 $62🥘
最值得一讚係佢嘅炒飯 見大多數嘅泰國餐廳都係印尼炒飯之類 第一次試蝦醬炒飯味道好特別 炒得好惹味 而且每粒飯都做到粒粒分明 炒得幾好
炸雞髀煎蛋飯$54🍗
呢個算係咖喱雞髀飯 雞髀好大隻炸到脆卜卜 撈咖喱同埋爆咗出嚟嘅蛋黃汁送飯好開胃 用來做個午餐真係食到好飽可以 算係非常抵食其中一個飯
總括嚟講個人覺得呢間泰國餐廳質素唔錯而且午市都幾抵食 加上泊車方面幾方便 所以非常適合遊車河停一停聚一聚腳
张贴
