翔壽司 (已結業)

尖沙咀一向都係美食集中地之一，最近厚福街呢度開咗間立食壽司店 - 翔壽司，今日經過難得見有位，當然同朋友入去試吓啦！做緊promo!激安！雖然佢叫自己做立食壽司，不過其實係有位坐GE。食客排排坐圍住兩位廚師，好有親切感。有兩份menu，散叫同set都有。刺身種類勁多當日廚師推介大吞拿魚腩伴紫菜（$68），一於試一試！超好味紫菜好脆，吞拿魚好新鮮好香！香料配搭都非常用心！我地叫左一個炙燒壽司拼盤同上壽司拼盤炙燒壽司拼盤包括炙燒吞拿魚腩、炙燒三文魚腩、炙燒左口魚邊、炙燒金線鯛同炙燒帶子。炙燒吞拿魚腩肥瘦有致，炙燒三文魚腩肉質滑嫩，炙燒左口魚邊油份足，咬落魚油成口都係，好滿足。炙燒金線鯛魚味濃，幾香口。上壽司拼盤吞拿魚油份較少，都幾濃味。帶子非常鮮甜同厚肉。油甘魚絕對唔會因為壽司而薄切，同刺身一樣咁多油。赤蝦口感非常好，夠爽口，夠新鮮。魴鮄好少食呢種魚，口感介乎池魚同油甘魚之間，都幾特別。