Castle Cafe (已結業)

今日下午經過荔枝角， 見到呢間餐廳做下午茶放題，有豬扒，雞脾，雞扒等，好抵食咁第一轉就叫左雞扒，豬扒，雞髀同魚餅等1）雞髀要讚一讚， 一啲都唔hea ，揸咗層蜜糖係面， 脆脆甜2）雞扒第一轉好細， 得2/3 隻手掌心咁上下 第二轉正常size最值得讚係唔會好柴， 又唔會有陣腥臊味。3） 豬扒第一轉炸得剛好， 唔會炸到乾晒，但第二轉就有啲乾4） 一口西多士都ok , 係太油， 但中間都有揸少少花生醬， 都叫合格； 豬仔包， 鬆軟得來又有烘脆咗表面，加上煉奶，的確唔錯，但牛油🧈揸多咗，攪到個包鹹得濟，有違和感放題落單點都會漏啲單， 例如個鳳尾蝦春卷要叫第二轉先有；而個魷魚蝦枝就無貨， 要問店員先至知至於其他野，炸帶子，炸蟹鉗，泰式魚餅，春卷同咖哩角都正常，咖哩角中間仲有幾多餡吉列炸蝦同鳳尾蝦春卷隻蝦都係厚粉蝦細薯角薯餅，炸雞翼，魚片頭，司華力腸，牛角酥同薯仔沙律就無試，唔知得唔得， 應該都唔會太差掛野飲方面真係任飲， 我叫左4杯凍檸茶走甜Btw , 呢啲放題一次好了， 真係太油膩， 全部都係炸物