壹碗壹碟 (已結業)

又係食💛店嘅時侯！自從有左呢啲好習慣，喺要持之以恆先得！ 今日幫襯呢間新開嘅小店知道佢喺鰂魚涌都有分店 ，可以開到過嚟證明質素有一定保證 。午市時間嚟到 ，座位只有十個左右，但而家都會買返office 或者屋企食㗎啦， 原來呢度可以download手機app ，咁就唔需要落嚟等啦 ，第一次見到個價錢都唔敢相信 喺，匯豐九龍總部隔離，餐廳可以39蚊 有三餸麵，抵！但今次就食招牌餸啦。 八香牛展米線 揀咗小辣湯底 多蒜多蔥 佢個辣味 係麻辣， 但係辣多過麻 ，而且加咗蒜係非常正，鍾意濃味嘅一定要咁嗌 ，牛展 爽滑彈牙 好食 。 呢一碗係 雞扒拉麵 配豬骨湯底， 我就覺得雞扒可能炸完擺耐咗， 所以個炸粉淋得滯 ，同埋雖然個名話係椒， 但多唔多食到椒鹽味, 而加咗個咖哩豬皮, 可能煮得太耐,個汁好杰太鹹 ,希望老闆可以留意下。 最值得讚就係呢一支茶， 台灣嚟嘅烏龍茶葉， 喺香港嘅工場炮製， 加咗甘草 ，味道一飲落去帶有順喉嘅回甘 ，而且一啲都冇苦澀味道，出面真係好少飲到 ，如果鍾意人參或者花旗參嘅 一定要試 ，甘味九成相似💛💛 雖然要加錢 跟餐 但我覺得都係值得。