麥金.麥金馬來西亞特式茶啡室 (已結業)

大角咀就出名出嘢食，今次就專登試下依間主打傳統風味嘅《麥金·麥金》馬來西亞特式茶啡室。門口嘅金漆招牌好搶眼，加上左右兩側嘅桃紅色木門，已經睇得出佢地想還原番傳統嘅馬來菜味道。主菜就叫左以下兩款：細滲 $87材料同味道都跟足傳統，用上多款中藥：甘草、當歸、桂皮、玉竹、黨參、川芎、杞子及紅棗等等去熬製。肉類就有雞腳、豬肚同埋豬排骨可以一次過試晒唔同既食材，起初以為會好苦，點知好甘香。最特別係湯底可以再添加，最後一次過飲左幾碗。怡保芽菜雞薑黃飯 $68佢地出名嘅係採用左怡保雞，出名雞肉味濃。同埋火喉控制得好好，所以雞肉特別嫩滑。南洋鮮油燒麵包 $34朱古力色嘅麵包淨係睇賣相都已經好吸引。麵包烤到好香脆，中間半溶狀態嘅牛油好邪惡。飲品方面就叫咗椰汁斑蘭冰 $28 同埋桔仔話梅水$25。兩款飲品都係唔常見，綠色嘅斑蘭冰好適合打卡。桔仔話梅水就酸酸甜甜好開胃清新！