李家 (筲箕灣道) (已結業)

要食韓國炸雞，相信大家都會諗起「李家」，因為係興起韓式炸雞既時候大家都會去「李家」食，今次就去到西灣河分店同朋友去感受返依個韓式炸雞熱潮。每次叫炸雞都會心思思唔知叫咩味，因為實在有太多選擇，但係咁多選擇既時候，就一定係揀半半炸雞，每隻味都可以半份咁叫。唔想所有炸雞都係太濃味既話可以選擇原味炸雞再配其他口味，原味炸雞本身味粉都夠香口，唔會好淡👍🏻而蜂蜜大蒜炸雞都值得一試，依間同平時食到既蜂蜜蒜頭味既最大分別係佢仲會俾埋一大pat蒜蓉係面頭🤭海鮮蔥餅都係見好多人必點既item，海鮮夠足料之餘成個蔥餅都好大份，兩個人食算幾多下😆另外我地仲眼闊肚窄咁叫左個辛辣麵同埋烏冬，所以今餐真係食到超飽。