影片
更多
2023-07-21
2113 浏览
友利坊幫襯咗好多年，由新蒲崗年代，到發展到勿當奴，一直都大大力撐。行過D2 place，餐廳有嘅，但又唔太合心水，兜兜轉轉想簡單食一餐，最尾都係去返友利坊。友利坊簡直係幫你解決晒一切問題，自己想食中餐朋友想食西餐，又或者係細路仔想食薯條漢堡包，呢度都完全幫到你。點餐之前，一直都諗住淨係食個勿當奴，點知見到燒味、中湯，就忍唔住即刻想轉。🜚燒味一人餐 叉燒 燒鵝 雞 豬手，任揀一款，另外再配白飯、燉湯、油菜，咁多嘢食都係$89，二人餐嘅話仲可以加多款小菜。心心念念想食叉燒，中湯就揀花膠螺頭燉雞。叉燒份量適中，不過件件都好大件，而且一啲都唔乾好淋身，自家製作嘅燒味，果然係唔同啲。另外，想大大力讚佢個湯！超夠火候，而且好甜，驚⛳️喜佢連燉湯個雞都唔鞋口！一人份量超飽。🜚草飼牛柳絲炒意粉超級有鑊氣，意粉好乾身，另外加埋牛柳絲去炒。少少豉油嘅味道，上枱勁香。🜚日月貝松露炒西蘭花帶子雖然細細粒，但係非常鮮嫩，松露本身就好香，加埋西蘭花，成餐飯都好均勻營養。單點加配30元40元，再由一碟菜其實好正。總括嚟講，呢個價錢，有咁多唔同嘅選擇，環境地方都唔錯，而且職員都極度幫忙，超快速執枱，超好👍🏻
行過D2 place，餐廳有嘅，但又唔太合心水，兜兜轉轉想簡單食一餐，最尾都係去返友利坊。
友利坊簡直係幫你解決晒一切問題，自己想食中餐朋友想食西餐，又或者係細路仔想食薯條漢堡包，呢度都完全幫到你。
點餐之前，一直都諗住淨係食個勿當奴，點知見到燒味、中湯，就忍唔住即刻想轉。
🜚燒味一人餐
叉燒 燒鵝 雞 豬手，任揀一款，另外再配白飯、燉湯、油菜，咁多嘢食都係$89，二人餐嘅話仲可以加多款小菜。
心心念念想食叉燒，中湯就揀花膠螺頭燉雞。
叉燒份量適中，不過件件都好大件，而且一啲都唔乾好淋身，自家製作嘅燒味，果然係唔同啲。
另外，想大大力讚佢個湯！超夠火候，而且好甜，驚⛳️喜佢連燉湯個雞都唔鞋口！一人份量超飽。
🜚草飼牛柳絲炒意粉
超級有鑊氣，意粉好乾身，另外加埋牛柳絲去炒。少少豉油嘅味道，上枱勁香。
🜚日月貝松露炒西蘭花
帶子雖然細細粒，但係非常鮮嫩，松露本身就好香，加埋西蘭花，成餐飯都好均勻營養。單點加配30元40元，再由一碟菜其實好正。
總括嚟講，呢個價錢，有咁多唔同嘅選擇，環境地方都唔錯，而且職員都極度幫忙，超快速執枱，超好👍🏻
张贴
