韓牛牧場 (已結業)

啱啱過左嘅星期三去左位於銅鑼灣永光中心3樓嘅韓牛牧場食自助形式嘅晚餐。去到嘅時侯差唔多7點半，等左一陣就入得座。餐廳環境幾有韓國當地感覺，座位幾寬敞。120分鐘嘅安格斯牛肉放題，唔同時段最平由$278-到最貴$318。佢地係用電話qr code黎落單，好方便！🔻世子牛盛 安格斯牛放題 味道：7/10價錢：$318餐廳有任食嘅前菜，沙律，仲有汽水同各色嘅韓國雪條同雪糕。另外仲有刺身。第一次用光波爐韓燒，感覺俾一般韓燒用明火乾淨，而且少油煙。先講主角牛肉，佢提供既種類都多，例如有安格斯肩里脊、安格斯牛胸肉、安格斯肥牛等。牛肉冇咩雪味，而且都有啲調味，味道算唔錯。除左牛肉仲有豬同雞肉供應。海鮮方面選擇都唔少，有海蝦、牛油青口、牛油帆立貝等。