梨滿園韓國料理 (已結業)

依家無得去韓國旅行，又心思思想食韓式炸雞，所以約咗朋友嚟食炸雞放題。見到餐牌寫炸雞同人參雞湯任食就好興奮，價錢仲好抵！一嚟到有指定嘅六款韓式前菜，泡菜必食。第一道上嘅係鐵板雞芝士，上枱熱辣辣，勁多芝士拉絲！個餐另外亦包一個芝士蛋捲同紫菜包飯，呢度做到韓國傳統嘅味度，食完即刻想快啲去韓國旅行呀！終於到最期待嘅炸雞同人參雞湯！炸雞方面有5款口味，薑蔥、甜辣、芝士、蜜糖同秘製醬油味。個人最推薦芝士同薑蔥味，好香口。叫咗兩round炸雞之後已經好滿足，最後仲有人參雞湯補進補，人參雞湯真係好足科，有成隻雞同好濃參味。旺角區有好多間韓國嘢，價錢嚟講呢間真係好抵，款色多，放題任食炸雞份量十足，一定夠晒飽！