平昌

营业中

休息中

兆萬中心多餐廳揀就係人都知啦！成日見樓下咁多人派傳單，今日就決定試吓平昌！呢間餐廳係食韓式燒肉放題！我哋七點左右黎到已經好多人，好彩book 左位😍 同朋友平平地揀左2百蚊鬆d ge 大君set!原來大君set 已經好多野食！坐低之後，店員立即幫我地在爐邊淋上蛋漿！跟住自己在白板仔上落單😆 第一round揀左海鮮類為主，食鰻魚，蠔，帆立貝，海蝦等等😍😍 之黎就開始入正題，係燒肉類！ 覺得醃味牛肉勁入味！！而且一d 都唔un! 另外我好中意食雞肉串！ 食食下，發現爐邊的蛋漿開始熟，食起黎係勁滑的水蛋，真係勁好食！蛋味濃郁！每次落單，其實店員都基本上1 分鐘內上菜！完全無漏單！而且店員見到個鐵板變黑會好主動換塊新！服務勁好！野飲就出面任揀，基本上都係韓國飲料！仲俾我發現follow 佢地ig 送韓國雪條tim!😍😍我揀咗花生醬出嚟雪條，佢ge 脆味又重朱古力味，又脆！反而花生醬味唔會太濃，中意呢種淡淡然！整體黎講，$218 加一 食到咁多野，真心正！！