韓正屋韓國料理 (海壩街)

营业中

休息中

今晚去左荃灣搵個朋友聚舊，佢話屋企附近有間韓國野佢平時都有食開咁啱我都有一段時間無食過韓國野，所以跟佢去左佢既食堂試一試。餐廳坐位都好闊落，都幾有韓國路邊簡單小家庭式餐廳既感覺，幾親切又溫暖，而且價錢都算親民，食物味道又唔錯，唔怪得朋友成日都食。今晚叫左三樣野，鐵板燒辣炒魷魚份量都唔細，魷魚都幾彈牙，辣辣地又幾惹味，值得一提佢會跟飯，個飯都好香好好味，好少食到一個咁香甜既飯之後燒牛仔骨份量又係算多，牛味豐富唔會太韌，燒既時間啱啱好，熱辣辣鐵板上枱。值得一試，CP值高最後叫左半份韓式無骨豬手，呢個一向都係我最愛既韓國菜，啖啖豬肉再加埋配料醬料夾埋生菜一齊食真係好豐富。